Tirana nuk arrin te fitojë as në Conference League, teksa ka humbur me rezultatin 0-1 ndaj Zrinjskit. Boshnjakët shënuan nga pika e bardhë e penalltisë në minutën e 12-të, e cila mjaftoi për të marë një fitore mjaft të rëndësishme. Tifozët boshnjakë ishin të shumtë në numër dhe duke kënduar në kore, çka ka acaruar tifozët shqiptarë.
Në ambientet e jashtme të “Air Albania” të dy grupimet patën përplasje fizike me njeri-tjetrin, dhe duhej të ndërhynte policia për të qetësuar situatën. Teksa paraqitja e tifozerive brenda shkallëve të stadiumit ishte për tu admiruar, ajo jashtë saj la një shije te hidhur në sytë e publikut./Elio Hajdari-Sport Ekspres/