Çuditë në futboll nuk mungojnë asnjëherë dhe më e fundit ka ardhur mëngjesin e sotëm në Australi. Brisbane Roar dhe Adelaide United dhuruan spektakël në përballjen e tyre, ku u shënuan plot 8 gola, por një nga golat ra më së shumti në sy.
Goli i tretë i shënuar nga Brisbane kishte si autor Eric Bautheac, i cili shndërroi në gol një 11-metërsh. Deri këtu çdo gjë është në rregull, por në rast se ndiqni realizimin e penalltisë do kuptoni që është më e çuditshmja e gjuajtur ndonjëherë.
Ndoshta Bautheac provoi të bënte një panenka, por nuk ia arriti, teksa penalltia e tij tashmë është kthyer në hit, pasi është një shpikje e re. Gjithsesi, Brisbane në fund u mposht me shifrat 3-5 nga Adelaide, me golin e Bautheac që vlejti sa për statistika.