Armando Sadiku po shfaq një tjetër fytyrë kohët e fundit. Sulmuesi shqiptar ka zënë vendin e titullarit me Las Palmasin dhe po rigjen veten në Spanjë. Për të dytën herë radhazi, Sadiku tund rrjetën në La Liga 2. Në minutën e 23-të lojtari 30-vjeçar tregohet i saktë nga brenda zone dhe topi i goditur prej tij ndalet pas shpinës së portierit kundërshtar.
Goli i shënuar nga Sadiku i dërgoi shifrat në 1-1 dhe më pas hapi rrugën për përmbysjen e Las Palmasit kundër Leganesit. Aktualisht është duke u luajtur pjesa e parë e kësaj ndeshjeje, që mban shifrat e përkohshme 3-1./Halit Delibashi-Sport Ekspres/