Rejnxhërsi ka triumfuar në derbin e madh ndaj Sëlltikut, pastër me shifrat 2-0, duke e mbyllur me nder kampionatin, pasi çështja e titullit është mbyllur.
Festa për vendasit nisi që pa u mbushur dy minuta, me kapitenin Tavernier që shënoi nga goditja e dënimit, duke çuar në festë 50 mijë tifozët e pranishëm të Rejnxhërs.
Dominimi dhe ndeshja fantastike e Rejnxhërs vijoi dhe në pjesën e dytë, ishte Skot Arfilld, i cili përfitoi nga një gabim në mbrotje e miqve, duke dyfishuar rezultatin.
Festë e çmendur në shkallët e stadiumit, me ekipin e Zherard që e mbyll me nder, duke fituar derbin kundër rivalit të përjetshëm.