Më mirë vonë se kurrë! Ky është rasti i Gëzim Jataganit, pensionistit 69-vjeçar që po ushtron futbollin dhe e ka nisur pasionin e tij shumë vonë, vetëm para tre vitesh. Por kjo nuk e ndalon Jataganin që të ketë kërkesa nga vetja. I ftuar në emisionin “Ora Sport” që transmetohet në “Ora Neës”, ka pasur edhe një thirrje për Armand Dukën që të veshi fanellën e Shqipërisë.
“Jam 69 vjec dhe e fillova futbollin në moshën 66-vjec. Shkoj në stadium dhe argëtohem, për moshën që kam. Unë jam besimtar, shkoj në xhami dhe nga xhamia shkoj në stadium. Kërkoj të vesh fanellën e Shqipërisë, meqënëse nuk kam pasur mundësi më parë. Ku të jetë, unë jam gati. Farmacia ime është futbolli. Kur doli ky Koronavirusi unë nuk kisha asnjë problem, jam me Koronafutboll”, tha Jatagani. /Sport Ekspres/