Shqipëria do të përballet në Wembley në një ndeshje prestigji kundër Anglisë. Në stadium janë shitur të gjitha biletat dhe do ta shohim të stërmbushur kundër kuqezinjëve. Një numër i madh i tyre pritet që të mbështes Kombëtaren tonë, duke ditur se shumë shqiptarë jetojnë në Londër.
Para kësaj ndeshje, “Ora News” është e pranishme me Altin Sulçen në Londër, që ka pyetur disa tifozë të Anglisë. Këta të fundit janë shprehur se punojnë me shqiptarët dhe i vlerësojnë së tepërmi, teksa theksojnë se asgjë nuk do ta prishi miqësinë e tyre. /Elio Hajdari-Sport Ekspres/