Ernest Muçi i ka siguruar Beshiktashit kualifikimin për në finale të Kupës së Turqisë. Ndeshja e parë mes skuadrës nga Stambolli dhe Ankaragyçysë përfundoi në baraspeshë 0-0, ndërsa e sotmja u vendos nga goli i sulmuesit shqiptar. Ish-futbollisti i Tiranës përfitoi nga një gabim i mbrojtësit kundërshtar në minutën e 70 dhe u vu në zotërim të topit në hyrje të zonës së rreptësisë. Muçi nuk humbi kohë dhe shkarkoi të djathtën e tij.
“Predha” e lojtarit të Beshiktashit nuk u ndal dot nga portieri i Ankarahyçysë dhe topi u ndal në rrjetë. Rezultati 1-0 qendroi në fuqi deri në vërshëllimën e tre-fishtë të arbitrit, çka i dha bardhezinjve biletën për në finale të Kupës së Turqisë. Mbrëmjen e nesërme do të mësohet se cili do të jetë kundërshtari i Beshiktashit në finale mes Fatih Karagymrykut dhe Trabzonsporit./Halit Delibashi-Sport Ekspres/
? Ernest Muci, yap??t?rd?! pic.twitter.com/ZWY8G2vXsh
— Kartal Record (@KartalRecord) May 7, 2024