Tirana ka fituar 2-0 ndaj Skënderbeut pa hasur shumë probleme, në një ndeshje të mbyllur brenda 18 minutave të para. Fillimisht ishte Taulant Seferi që zhbllokoi rezultatin, duke shënuar golin e dytë në Superiore.
Një goditje e fortë që erdhi nga jashtë zonës duke gjetur cepin e rrjetës dhe për të befasuar portierin e Skënderbeut. Vetëm tetë minuta më vonë, Hoxhallari vjen me një tjetër gjuajtje të fortë e cila mund të ndalet vetëm në cepin e rrjetës.
Ky triumf i Tiranës shkon padyshim për familjen e Kristi Vangjelit pas dhimbjes që po përjetojnë me ndarjen nga jeta të Pavli Vangjelit. Sa i përket këtij suksesi, bardheblutë ngjiten në kuotën e 26 pikëve dhe “fundosin” Skënderbeun. /Sport Ekspres/