Partizani-Teuta 0-2 Albion Marku 40′, Kallaku p’ 64′
Partizani ka humbur ndeshjen e parë pa Skukën dhe Bitrin dhe ka “frikësuar” jo pak tifozët e tij për vazhdimin e luftës për titull. Të kuqtë u mundën me shifrat 0-2 nga Teuta dhe nuk kishin forcë reagimi.
Të kuqtë e nisën me marsh të pestë duke krijuar jo pak raste në minutat e para dhe kishte kombinime të bukura mes lojtarëve. Albion Marku i shtangu në minutën e 40 me një gjuajtje nga distanca. Lojtari nuk festoi pasi ka luajtur më parë me Partizanin.
Më pas Telushi djallosi gjithçka në të 63 duke i falur një penallti të panevojshme Teutën. Kallaku do ta shfrytëzonte mundësinë e krijuar teksa nga 11-metrat e dërgoi topin nga njëra anë dhe Hoxhën në tjetrën. /Sport Ekspres/
Partizani: Hoxha, Buxhelaj, Menich, Sota, Hadroj, Telushi, Murataj, Rrapaj, Hoti, Cara, Da Silva Trajner: Giovani Colella
Teuta: Qirko, Jazxhi, Qaqi, Kotobelli, Kouro, Kallaku, Karabeci, Gruda, Beqja, Marku, Vila Trajner: Edi Martini