Elseid Hysaj po kthehet që të jap më të mirën e tij me trajnerin Sarri. Ky i fundit e nxori mbrojtësin shkodran dhe vuri në pah aftësitë e tij për të luajtur në elitën e futbollit italian. Pas kohëve të vështira me Napolin, lojtari i Shqipërisë do të rikthehej sërish me Sarrin te Lacio. Aktualisht është duke vazhduar përballja mes Lacios dhe Padovës, ndërsa pjesa e parë u mbyll në shifrat 1-1.
Nga minuta e parë e ka nisur vetëm Elseid Hysaj, ndërsa Strakosha dhe Muriqi ndodhen në stol. Simeone Della Luto ka shënuar i pari në minutën e 18, por falë futbollistit shkodran do të barazohej rezultati në fundin e pjesës së parë. Hysaj ishte i pandalshëm në krahë dhe detyroi lojtarin e Padovës që t’i shkaktonte penallti, me Luis Alberton që nuk mund të gabonte. /Sport Ekspres/