VIDEO/ Nuk është mënyra si trajtohet një legjendë, Suarezi nuk mund ta imagjinonte sjelljen e bashkëkombasve të tij

0

Luis Suarez është padyshim në këndin e legjendave të Uruguajit. Ish-sulmuesi i Barcelonës ka dhënë një kontribut të vyer për Kombëtaren e tij, të cilën me golat e shënuar e ka çuar shpesh drejt niveleve të larta të futbollit botëror dhe atij të Amerikës së Jugut. 35-vjeçari iu bashkua Nacionalit në vendlindjen e tij për të ruajtur formën e duhur për Kupën e Botës Katar 2022.

Por, megjithëse është një ikonë për Uruguajin, tifozët e Penarolit nuk e kanë pritur mirë kalimin e tij te Nacionali. Tifozët e skuadrës së qytetit të Saltos, në të cilin ka lindur vetë Suarezi, janë mbledhur në sheshin Artigas për të festuar 131-vjetorin e klubit. Gjatë festimeve, të pranishmit kanë rrëzuar përtokë statujën e Luis Suarezit. Madje, kanë shkuar edhe ta godasin me këmbë. Një gjest aspak i hijshëm, që ish-sulmuesi i Barcelonës nuk e kishte imagjinuar se mund ta shihte të kryhej nga bashkëkombasit e tij./Halit Delibashi-Sport Ekspres/

You might also like
Leave A Reply

Your email address will not be published.