Skënderbeu-Vllaznia nuk ka prodhuar shumë në fushën e lojës përgjatë 90 minutave në atë barazim pa gola, por e gjithë historia që do të mbahet mend ndodh jashtë vijave të saj. Në momentin kur ekipet po drejtoheshin te dhomat e zhveshjes nisi përplasja mes Adilit dhe Zguros.
Duke e njohur mirë temperamentin e Zguros, trajneri Memelli ka vrapuar që të ndajë lojtarët në mënyrë që Skënderbeu të mos kthehet me 10 lojtarë në pjesën e dytë. Por këtë ndërhyrje nuk e ka pritur mirë Adili që ka nisur ofendimet drejt Memellit, duke pasur edhe prekje fizike.
Jorgji do të shihte gjithçka qartë dhe kur ekipet u kthyen në fushën e blertë do të ndëshkonte me kartonin e dytë të verdhë Adilin, për ta larguar nga fusha e lojës. Në atë moment Zguro ka zgjedhur që ta acarojë më tepër mbrojtësin e Vllaznisë me një puthje nga distanca. /Sport Ekspres/