Ndeshja mes Vijareal dhe Juventusit në Champions League nuk ka kaluar pa polemika. Bëhet fjalë për minutën e 72 të takimit, atje ku bardhezinjtë ishin me shumë fat që arritën ta mbyllin ndeshjen me 11 lojtarë, më saktësisht për ndërhyrjen “Kung-Fu” të Rabiot ndaj kundërshtarit.
Asnjë interes për të kapur topin që ishte tërësisht në drejtim tjetër, por takat e vendosura nga lojtari i Juventusit ishin direkt në këmbët e kundërshtarit. Për arbitrin ky rast është ndëshkuar vetëm me karton të verdhë, ndërsa Rabiot nuk e pranonte as këtë lloj ndëshkimi. E çuditshme, çfarë mund të jetë kartoni i kuq për këtë arbitër? /Sport Ekspres/