Ndeshja mes PSG-së dhe Istanbul Bashakshehirit është luajtur sot në orën 18:55, teksa ai episod i ndodhur nga arbitri i katërt i takimit bëri që ekipet të braktisnin fushën e lojës mbrëmjen e djeshme për shkak të racizmit. Në ndeshjen që rezultoi të ishte mesazhi më i pastër kundër racizmit, ka dalë fitimtar klubi francez.
Një “show” i Mbape dhe Nejmar është dhuruar në “Parc de Prince”, ku ylli brazilian ka shkëlqyer me tripletë ndërsa talenti francez i ka dhënë fund thatësirës së gjatë të golave në Champions League me një dopietë. Nënkampionët e Europës kanë shkatërruar kështu Bashakshehirin me një festival golash, teksa shifrat pas vërshëllimës së 3-fishtë të arbitrit kryesor shënonin 5-1./Halit Delibashi-Sport Ekspres/
https://twitter.com/neymarjrdepre/status/1336734432041054210
https://twitter.com/oh38896193/status/1336748832965713927