Milani u quajt me një këmbë e dalë nga Champions League, por kuqezinjtë treguan në ditën e sotme se janë kockë e fortë dhe fanellë e rëndë në Europë. Ekipi italian ka fituar me shifrat 0-1 në transfertë ndaj Atletiko Madridit duke u hakmarrë për atë humbje të pamerituar në shtëpi, e cila erdhi për shkakun e gabimeve trashanike të Cakir.
Por në kufijtë e çmendurisë mund të quhet për vetë autorin e golit. Messi-as, i versionit më të keq! Në momentin kur do të vinte kalimi te kuqezinjtë, thuajse të gjithë tifozët kanë ironizuar dhe janë tallur me këtë kalim. Jo pa të drejtë pasi mesfushori kishte Crotonen si kulmin e karrierës dhe gjithë eksperiencat e tij ishin në ligat e ulëta të Italisë.
Për më tepër që ishte edhe në moshën 30-vjeçare. Por ky ishte futbollisti që arriti të shënonte golin e vetëm të takimit ndaj Atletico Madrid, për t’i dhënë fitoren që i mban italianët ende me shpresë. Fundja, futbolli luhet me zemër dhe jo me emra. /Sport Ekspres/
What a moment for Junior Messias & Milan in Madrid.
What a time to score your first goal for the club, too!
Late goal and the Rossoneri are still alive in the race for the knockout phase.#ATMMIL #UCL
— Sacha Pisani (@Sachk0) November 24, 2021