Intervistën e Bathës pasi Tirana është shpallur kampion e kanë ndërprerë shokët e skuadrës teksa kanë kënduar ashtu siç kemi dëgjuar deri në këto momente tifozët e bardhebluve. Moment shpërthimi te kryeqytetasit që lënë mbrapa një periudhë shumë të vështirë ku nuk mund të fshihet lehtë nga kujtesa as rënia në Kategorinë e Parë.
Ndërkohë Osmani nuk mund të qendronte pa e bërë një batutë në atë rast duke qetësuar disi të tjerët, për t’i rindezur sërish në transmetimin e “Supersport”: “Prisni pak. Se këta janë të rinjë dhe e kanë për herë të parë, i’u falet. Unë e kam kënduar më shpejt këtë këngën. Edhe Batha e ka për herë të parë, i falet puro. Tani… kampiona, kampiona, kampiona jemi ne”, ka vazhduar Osmani për të rikthyer edhe njëherë këngën në intervistën e Bathës. /Sport Ekspres/