Myrto Uzuni ka zhbllokuar shifrat e takimit mes Prishtinës dhe Ferencvaroshit. Sulmuesi shqiptar shërbehet mirë në zonë, nga ku nuk gabon për të tundur rrjetën në “Fadil Vokrri“. Topi shkon mes këmbëve të portierit të Prishtinës e më pas kalon vijën fatale, duke i dhënë kështu avantazhin 1-0 hungarezëve në minutën e 49.
Ky ishte goli i parë për Uzunin në një ndeshje zyrtare për këtë sezon të ri me Ferencvaroshin, por që në fund kalon pa u festuar. Talenti beratas mban fjalën e dhënë dhe pas shënimit ngre duart lart duke mos festuar për shkak se përballë kishte një ekip shqiptar./Halit Delibashi-Sport Ekspres/