Ferencvaroshi ka siguruar përfundimisht biletën për në turin e dytë kualifikues të Champions League, teksa ka mposhtur përsëri Prishtinën, këtë herë me shifrat 1-3. Protagonisti kryesor i kësaj ndeshjeje ishte padyshim Myrto Uzuni. Talenti nga Berati ka shkëlqyer në tokë shqiptare, teska ka tundur plot 3 herë rrjetën.
I pari do të vinte në minutën ne 49, ndërsa më pas do të shënonte dy herë në të 80-n dhe të 85-tën. Sulmuesi shqiptar shpërthen me një hat-trick në “Fadil Vokrri”, por në fund zgjedh të mos festojë asnjë prej golave të tij, duke mbajtur fjalën për të respektuar faktin se përballë kishte një ekip shqiptar si Prishtina./Halit Delibashi-Sport Ekspres/