Myrto Uznu ka shpërthyer me Ferencvaroshin. Ishte pikërisht në Champions League aty ku do të vinte edhe goli i parë me kampionët e Hungarisë dhe po aty vazhdon të lërë ende gjurmët e tij. Rrjeta e tundur kundër Dinamos së Zagrebit i dha kualifikimin në play off, ndërsa në këtë fazë është sërish talenti kuqezi, i cili vë njërën dorë në grupet e Championsit.
Në minutën e 52-të, Uzuni shënon një supergol me kokë për të dyshishaur shifrat e takimit kundër Moldes. Vendasit kanë ngushtuar shifrat vetëm pak minuta më vonë, por gjithsesi rezultati shkon në favor të hungarezëve, që i gëzohen 2 golave në fushë të huaj. Ëndrra Champions nuk është larg dhe për këtë një meritë e madhe i shkon edhe Myrto Uzunit./Halit Delibashi-Sport Ekspres/