Edhe sezoni i ri duket se do të nisë në të njëjtën mënyrë si u mbyll ai i shkuari për Myrto Uzunin. Sulmuesi shqiptar po gëzon një formë fantastike në fazën përgatitore, ku nuk i kanë munguar aspak golat. Lojtari beratas ka gjetur sërish rrugën e rrjetës me fanellën e Granadës.
Uzuni ka zhbllokuar shifrat në miqësoren që po luhet mes Granadës dhe Getafes. 28-vjeçari ka shndërruar në gol një penallti në minutën e 56, duke fituar duelin me portierin e ekipit të La Liga-s. Uzuni vazhdon të japë një sinjale pozitive në prag të sezonit të ri, që këtë herë e gjen në elitën e futbollit spanjoll./Halit Delibashi-Sport Ekspres/