Mosha nuk përbën një problem për Ledian Memushajn, i cili edhe pse me 34 vite mbi shpinë di sit ë dhurojë paraqitje pozitive në fushë dhe të kthehet protagonist. Kapiteni i Peskaras ka njeriu i ndeshjes për skuadrën e tij sot, teska ka dhënë kontributin në të 2 golat e shënuar nga “delfinët”.
Që në minutën e 2-të të takimit, mesfushori shqiptar kontrollon mirë një top brenda zone dhe pasi shmang dy mbrojtësa kundërshtar tund rrjetën e Viçenzës. gjithashtu gjatë pjesës së dytë Memushaj dhuron edhe një asist për shokun e tij të skuadrës, Galano, i cili shënon golin e dytë.
Por ndonëse ishte protagonist absolut ditën e sotme, futbollisti i Kombëtares kuqezi nuk ka mundur t’i japë dot pikë ekipit të tij. Peskara është ka humbur me shifrat 2-3 takimin, duke mbetur sërish në ujëra të turbullt në kampionat në këtë sezon të ri./Halit Delibashi-Sport Ekspres/