Reali i Madridit përmbys Vijarealin me shifrat 2-3 dhe siguron kualifikimin për në çerekfinale të Kupës së Mbretit. Rodrigo e nisi titullar këtë takim, por zëvendësohet në pjesën e dytë, vetëm një minutë përpara se Vinicius të shënonte golin e parë për Realin. Menjëherë pas këtij momenti kamerat kanë regjistruar Ançelotin të drejtojë gishtin nga Rodrigo dhe të flasë me të.
Çehrja në fytyrën e italianit të linte të kuptohej se bëhej fjalë për diçka serioze. Vetë Ançeloti ka sqaruar situatën pas përfundimit të ndeshjes, duke u shpjeguar në media: “Tension me Rodrigon? Jo, i thashë të mos harronte të më përshëndeste kur zëvendësohej”. Gjithsesi, braziliani duket se nuk e ka mësuar leksionin, pasi nga pamjet dukej qartë mungesa e vëmendjes prej tij./Halit Delibashi-Sport Ekspres/
Olha só: imagens da transmissão do #RealMadrid vs Villarreal na TVE mostram como Carlo Ancelotti parece estar chamando a atenção de Rodrygo com o dedo em riste, após o jogador brasileiro ter sido substituído. ???? #CopaDelRey pic.twitter.com/RcKpwB9ma8
— Fernando Kallás ?????? (@fernandokallas) January 19, 2023