Pamje jo të zakonta janë parë në takimin e luajtur mes Marsejës dhe Vijarealit. Pavarësisht se ishte një miqësore, trajnerët e kanë përjetuar ndryshe dhe fusha mund të kthehej në një arenë sherri. Gjithçka nis në pjesën e dytë, kur arbitri ndëshkon me karton të kuq lojtarin Foyth. Një vendim i tillë nuk është pritur mirë nga Unai Emeri, i cili reagon në mënyrë impulsive, duke u ndëshkuar edhe ai me karton të kuq.
Por trajneri i njohur nuk ka lënë menjëherë fushën, teksa i është drejtuar me nerva kreut të pankinës së Marselës, Sampaolit, drejt të cilit bënte vazhdimisht gjeste me dorën e tij. Argjentinasi kërkon një konfrontim fizik, por janë stafet e të dyja skuadrave që shmangin sherrin mes dy trajnerëve. Një ngarje aspak e bukur për tu parë kjo, aq më tepër kur bëhet fjalë për një takim miqësor./Halit Delibashi-Sport Ekspres/
https://twitter.com/rehnato/status/1421565959345745925