Partizani e ka shtuar së tepërmi konkurrencën në mbrojtje me afrimin e Roberto Dominguez Futbollisti 23-vjeçar nga El Salvadori është mësuar me futbollin fizik dhe shquhet për fitimin e dueleve të tilla. Skuadra e fundit që është aktivizuar Dominguez mban emrin e Bolivarit, në ekipin që për tifozët shqiptarë është bërë i njohur së fundmi pas transferimit surprizues të Armando Sadikut.
Vetëm pak minuta më parë Dominguez ka mbërritur në aeroportin e Oscar Romeros të El Salvadorit, ndërsa pas disa orësh do të vijë fluturimi drejt Shqipërisë për t’iu bashkuar Partizanit. /Sport Ekspres/