Pas pjesëmarrjes në Euro 2020, Maqedonia e Veriut ka arritur një rekord historik, duke u kualifiikuar për fazat “play off” të Botërorit të Katarit, që do të zhvillohet në dimrin e vitit 2022. Fqinjët tanë mposhtën Islandën në shtëpi me rezultatin 3-1, duke lënë kështu pas kundërshtarin direkt Rumaninë.
Menjëherë pas fitores, maqedonasit kanë festuar në dhomat e zhveshjes, teksa një video është shpërndarë në faqen zyrtare të Federatës së Maqedonisë së Veriut në “Instagram”. Të gjithë lojtarët e kësaj Kombëtareje ishin të përfshirë në këtë festim duke brohoritur “vendi i Maqedonisë”, përveç Alioskit, i cili ishte një nga futbollistët kyç të skuadrës nuk ishte mjaft i përfshirë. Lojtari shqiptar dukej më i përmbajtur në dhomat e zhveshjes, pavarësisht suksesit historik që ka arritur në fushën e lojës./Elio Hajdari-Sport Ekspres/
View this post on Instagram