Kosova ka marrë pikë nga transferta e Greqisë. Dardanët vinin nga seri rezultatesh negative, teksa u mundën në Prishtinë edhe nga Jordania. Por Kosova u kundërpërgjigj ndaj Greqisë. Vendasit kaluan të parët në avantazh me anë të Mousouras në të 44.
Kur pritej që ndeshja të mbyllej në shifrat 1-0, pasimi i katapultuar i Zhegrovës u shfrytëzua nga Rrahmani. Pavarësisht kësaj pike, Kosova e mbylli në vendin e fundit të grupit dhe Greqia nuk mund të arrinte në vendin e dytë./Elio Hajdari-Sport Ekspres/