Estac Troyes po kalon një periudhë të vështirë. Në një kohë kur kanë mbetur edhe 2 javë nga fundi i kampionatit, klubi francez është pranë rënies në kategorinë e tretë. Tifozët kanë protestuar kundër klubit të tyre, duke ndërprerë ndeshjen e mbrëmshme kundër Valenciennes së vendit të fundit. Zona e 16-shes u mbush e gjitha me flakadanë, çka bëri që arbitri t’i dërgonte lojtarët përpara kohe në dhomat e zhveshjes.
Futbollistët e Troyes nuk e kanë pritur mirë sjelljen e tifozerisë së tyre, teksa kanë marrë flakadanët dhe ua kanë hedhur mbrapsht nëpër tribuna. Ndërkaq, ultrasit e klubit francez nuk i kanë kursyer ironitë as për drejtuesit e tyre, pasi kanë thirrur në kor: “Faleminderit City”! Theksojmë se klubi Troyes është në pronësi të City Football Group, i cili ka në pronësi edhe Manchester City-n. Por duket se paratë e sheikëve nuk kanë dhënë efekt në Francë./Halit Delibashi-Sport Ekspres/
A dark night for Troyes. Their home match vs Valenciennes is abandoned as fans throw flares onto pitch, and some players throw them back into stands! Troyes are on the brink of successive relegations. Owned by the City Football Group, fans ironically chant “Merci City”. pic.twitter.com/ocRWes9igx
— Colin Millar (@Millar_Colin) May 3, 2024