Shqipëria është duke luajtur në “Air Albania“ kundër Republikës Çeke. Kuqezinjtë janë në avantazh 1-0 falë golit të Jasir Asanit, i cili befasoi që në 10 minutat e para kundërshtarët. Kjo ndeshje vendos shumë sa i përket kualifikimit për në Euro 2024 dhe nisur nga ky fakt është organizuar edhe koreografia e “TKZ“-së.
Ultrasit e Kombëtares kanë shpalosur në momenin e himnit banderolën gjigante me Lupinin që “vjedh“ kutinë që të dërgon në Gjermani. Fitorja e sotme është pikërisht çelësi për të hapur kutinë që ka biletën për në Kampionatin Europian. Një gjetje e “TKZ“-së./Halit Delibashi-Sport Ekspres/