Gabala ka barazuar me shifrat 1-1 kundër Sabail në ndeshjen e sotme të vlefshme për kampionatin azer. Një pikë e marrë nga vendasit, për të cilën ka meritë futbollisti shqiptar, Jurgen Goxha. Ish-lojtari i Bylisit nuk e ka harruar “huqin“ e vjetër dhe është rikthyer sërish te goli, por këtë herë në një tjetër kampionat.
Pavarësisht se luante në rolin e mbrojtësit, Goxha e vendoste shpesh emrin në listën e golashënuesëve për klubin ballshiot. Një gjë të tillë e bën tashmë me Gabalan, ku ka tundur për herë të parë rrjetën. Vetëm 4 minuta i kanë mjaftuar në takimin e sotëm që me një diagonale me të majtën të gjente cepin e portës kundërshtare, duke mposhtur kështu portierin e Sabail./Halit Delibashi-Sport Ekspres/