Dy fantastikët e Tiranës! Ernest Muçi dhe Jurgen Celhaka janë kthyer që të luajnë së bashku pas shumë kohësh, këtë herë për t’u bashkuar te Legia e Varshavës. Muçi i dha jo pak ndihmës skuadrës për të arritur te fitorja në shifrat 3-1 me Gornik.
Në minutën e 27 do të vallëzonte me topin mes 5 futbollistëve kundërshtarë për të gjetur rrjetën. Ndërkohë Jurgen Celhaka do të aktivizohej në minutën e 73 duke dëshmuar menjëherë se nuk kishte asgjë më pak në nivel se futbollistët e tjerë. Kjo ndeshje ishte e veçantë pasi ishte e fundit në karrierën e arbitrit Mariusz Zlotek, i cili u përshëndet nga të gjithë futbollistët. /Sport Ekspres/