Polemikat nuk kanë munguar në ndeshjen më të rëndësishme të kësaj jave në Serie A. Juventusi ka marrë një fitore në minutën e 88 ndaj Interit dhe për këtë në ndihmë i ka ardhur penalltia e dhënë nga gjyqtari i takimit. Kuadrado pengohet në zonë dhe Kalvarese drejton gishtin nga pika e bardhë e 11 metrave. Një vendim ky që ndezi jo pak polemika.
Ishte apo jo? Një pyetje që ndan në dy mendime të ndryshme të gjithë tifozët dhe opinionin sportiv. Kritikat nuk mund të mungojnë, aq më tepër kur një penallti e tillë e dyshimtë luan një rol të madh në luftën për një vend në Champions League, teksa mban ende në lojë Juventusit për të prerë një biletë në kompeticionin më të rëndësishëm për klube./Halit Delibashi-Sport Ekspres/
Cuadrado fires Juventus back in front from the spot!
Did the referee get this right ? pic.twitter.com/pFT6WneUxS
— ESPN FC (@ESPNFC) May 15, 2021