VIDEO/ Interi “zgjohet” pas dy golave në pjesën e dytë, bëjnë përmbysjen e madhe kundër Torinos

0

Interi arrin të fitojë një ndeshje mjaft të vështirë në “San Siro” përballë Torinos. Zikaltërit nuk ishin aspak te qetë në pjesën e parë, teksa u ndëshkuan në minutën e 45-të nga Zaza. Në pjesën e dytë një penallti do t’i dyfishonte shifrat në 0-2 në favor të miqve. Menjëherë pas këtij disavantazhi të dyfishtë, duket se Interi u “zgjua”.

Sanchez, Lukaku x2 dhe Lautaro bënë përmbysjen e madhe për ekipin e drejtuar nga Antonio Conte. Me këtë fitore Interi ndjek hapat e Juventusit dhe Romës të cilat fituan përkatësisht 2-0, dhe 3-0 ndaj kundërshtarit të tyre. Lukaku me dygolëshin e shënuar ngjitet në kuotën e 7 golave, 1 më pak se kryesuesi Zllatan Ibrahimoviç i cili mban dhe kreun e klasifikimit për golashënues./Elio Hajdari-Sport Ekspres/

You might also like

Leave A Reply

Your email address will not be published.