Të gjithë mund të fitojnë, por askush nuk di t’i realizojë sukseset në fushë në mënyrë më emocionuese se Interi. Pasi triumfoi në sekondat e fundit me Totenhemin në Champions dhe Sampdorian në kampionat, Interi regjistroi një tjetër fitore në ndeshjen që hapi javën e gjashtë të Serisë A përballë Fiorentinës.
Skuadra e Spaletit kaloi “vjollcët” me rezultatin 2-1, për një tjetër një sukses të ardhur vetëm në minutat e fundit, duke lënë në ankth tifozët. Edhe pse me ekipin më të mirë në fushë, ku u aktivizuan nëntë nga titullarët e fundjavës së kaluar, zikaltërit vuajtën përballë kundërsulmeve të shpejta të Fiorentinës, që goditën shtyllën prej fillimit me Miralas, ndërsa Handanoviç shpëtoi portën përballë Simeones.
CONTROVERSY!
VAR helps award a penalty to @Inter_en against Vitor Hugo.
Would you have given this?#SerieA #INTFIO #PureFootball
Subscribe here – https://t.co/YbI6T6O8MU pic.twitter.com/RYW7C0A5RE
— Eleven Sports (@ElevenSports_UK) September 25, 2018
Në ndihmë të Interit erdhi sistemi VAR, me arbitrin Maxoleni që pasi vëzhgoi pamjet video akordoi 11-metërsh për prekje të topit me dorë në zonë nga Hugo. Nga pika e bardhë kapiteni Mauro Ikardi nuk gaboi, duke i dhënë vendasve avantazhin. Goli i 11-të i sulmuesit argjentinas përballë Fiorentinës, që është kthyer në viktimën e tij të preferuar në kampionat.
GOAL!@MauroIcardi dispatches the penalty, and @Inter_en lead @acffiorentina 1-0 in the San Siro. #SerieA #INTFIO #PureFootball
Subscribe here – https://t.co/YbI6T6O8MU pic.twitter.com/sptr92CVuw
— Eleven Sports (@ElevenSports_UK) September 25, 2018
Skuadra e Piolit reagoi në pjesën e dytë, duke rikthyer barazpeshën, falë të papërmbajtshmit Kieza, goditja e të cilit u devijua në mënyrë të pafatë nga Shkriniar dhe përfundoi në rrjetë. Një gol që i dha zemër Fiorentinës, por që nuk mjaftoi.
GOAL!
Was it an own goal or not? @federicochiesa will claim it, and it’s @Inter_en 1 – @acffiorentina 1.#SerieA #IntFio #PureFootball
Subscribe here – https://t.co/YbI6T6O8MU pic.twitter.com/j4lukb3uAE
— Eleven Sports (@ElevenSports_UK) September 25, 2018
Trembëdhjetë minuta përpara fundit, për të shpëtuar Interin mendoi D’Ambrozio, që finalizoi një inkursion të shpejtë personal dhe e dërgoi topin në rrjetë pas kombinimit me Ikardin. Pak çaste ankthi, me arbitrin që u konsultua me ndihmësit në sistemin VAR dhe festë në “Meaxa”.
GOAL!@ddambrosio scores his first goal since the end of last season – the goal that sent @Inter_en into the Champions League. They lead @acffiorentina by two goals to one.#SerieA #INTFIO #PureFootball
Subscribe here – https://t.co/YbI6T6O8MU pic.twitter.com/fvl9v6mboS
— Eleven Sports (@ElevenSports_UK) September 25, 2018
Goli i katërt i zikaltërve në 15 minutat e fundit të ndeshjes në këtë sezon, më tepër se cilado skuadër tjetër në Serinë A. Një gol që vlen 3 pikë dhe Interi që ngjitet në kuotën e dhjetë pikëve, duke barazuar pikërisht Fiorentinën e vendit të tretë dhe Sasuolon.