Interi ka zhgënjyer para publikut të tij në “San Siro”, teksa i dha fund aventurës në “Europa League” pas humbjes 1 – 0 ndaj vizitorëve nga Frankfurti.
Skuadra gjermane u tregua ekipi më superior përgjatë 90 minutave dhe rezultati mund të ishte akoma më i thellë, por Handanoviç kreu disa pritje fantastike për të mbajtur të tijtë në lojë.
Pa Ikardin e “dëmtuar” dhe Lautaro Martinez të pezulluar, sulmi Interit ishte krejtësisht mediokër. Kandreva, Keita dhe Perishiç zhvilluan një ndeshje për t’u harruar, ndërsa Politano i vetëm testoi disa herë portierin Kevin Trap, por pa mundur të shënojë.
Inter 0 – 1 Frankfurt
Shënues: Joviç 5’