Italia po tregon një ecuri të jashtëzakonshme nën drejtimin e Mancinit, ku çelësi i suksesit është cilësuar fryma e grupit. Axurrët kanë dalë me fitore edhe në ndeshjen e sotme kundër Uellsit, por kur harmonia po mbizotëronte në fushë nerva vihen re në stol.
Ishte një “sherr” mes Lokatelit dhe Barelas ai që mori vëmendje të madhe në rrjet. Kur po luhej minuta e 70 e ndeshjes, Barela, me një buzëqeshje në fytyrë hedh diçka në drejtim të mesfushorit të Sasuolos. Por kjo nuk është pritur mirë nga Lokateli që ia kthen me të njëjtën mënyrë me një mërzitje që i dallohet në mimikë. Megjithatë gjithçka është kuadrin e një shakaje, teksa Barela vijon të mos e humbasë buzëqeshjen nga fytyra e tij edhe pas këtij reagimi nga Lokateli./Halit Delibashi-Sport Ekspres/
https://twitter.com/jmancini8/status/1406679152049233933