VIDEO/ Gol dhe dy asiste, mesfushori kuqezi mahnit Izraelin

Izraeli ka lënë kujtime jo të mira për Kombëtaren kuqezi, por po shërben për të rikthyer një shqiptar në protagonist absolut. Valon Ahmedi ishte njeriu i ndeshjes në fitoren 3-0 që Ironi Kiriat Shmona regjistroi në fushën e Sakhnin. Një gol dhe dy asist për mesfushorin, në një mbrëmje magjike.

24-vjeçari nga Ohri realizoi golin e parë për skuadrën e tij në minutën e 30-të të ndeshjes, me një goditje dënimi të ekzekutuar në mënyrë të shkëlqyer. Një perlë e vërtetë, duke mos i dhënë portierit kundërshtar mundësi të reagonte. Rrjeta e parë për të në aventurën izraelite.

Ahmedi u shfaq i papërmbajtshëm edhe në pjesën e dytë të ndeshjes, duke dhënë dy asist. Fillimisht për Braun, që dyfishoi shifrat dhe në minutat e fundit të ndeshjes, për Abuhatzerian, që vulosi suksesin 3-0 të Ironi Kiriat Shmona.

Mesfushori po përjeton një formë fantastike me ekipin e tij të ri, pas largimit nga Maribori. Me këtë performancë, Valon Ahmedi rikthehet të jetë një alternativë e vlefshme për Kombëtaren shqiptare, aty ku mesfushori mungon prej një viti. Paraqitja e tij e fundit me fanellën kuqezi ishte ajo e 9 tetorit 2017 kundër Italisë në “Loro Boriçi”, ku u aktivizua në kohën shtesë, duke zëvendësuar Odise Roshin.

Leave a Reply

Your email address will not be published. Required fields are marked *

where can i buy doxycycline over the counter buy doxycycline online