Kombatarja shqiptare e futbollit është gati për të nisur Ligën e Kombeve. Kuqezinjtë do ta fillojnë në transfertë këtë kompeticion të ri, ku kundërshtari i parë do të jetë Bjellorusia. Trajneri Reja ka pasur mundësinë të shohë nga afër gjendjen e lojtarëve dhe të përgatisë ndeshjet e radhës, ndërsa ditën e sotme Kombëtarja lë Shqipërinë për të udhëtuar drejt Bjellorusisë.
FSHF ka shpërndarë edhe momentet kur kuqezinjtë i drejtohen avionit me të cilin do të fluturojnë për në destinacion, atje ku i pret edhe rivali i parë në këtë rrugëtim të ri. Kujtojmë se ndeshja me Bjellorusinë do të luhet dy ditë më vonë, më 4 shtator në orën 20:45./Halit Delibashi-Sport Ekspres/