Një ndeshje e tejzgjatur që u mbyll me një fund të pabesueshëm. E tillë ishte finalja mes Interit dhe Juventusit mbrëmjen e sotme. Mckennie kaloi “zonjën e vjetër“ në avantazh në minutën e 25, ndërsa vetëm 10 minuta më vonë Lautaro Martizes i kundërpërgjigjet me një gol nga pika e bardhë e penalltisë.
Zikaltrit dominojnë lojën, por përsëri 90 minuta janë të pamjaftushme për të përcaktuar fituesin. Superkupa e Italisë shkon në shtesa dhe në momentin kur të gjithë mendonin se gjithçka do të zgjidhej nga ruleta e penalltive vjen e papritura.
Alex Sandro gabon me uljen e topit në zonë dhe Darmian përfiton për të pasuar te Alexis Sanches. I gjendur vetëm shumë pak larg portës, kiliani nuk e ka aspak të vështirë të tundë rrjetën. Një gol ky i shënuar në sekondën e fundit të takimit, që ndez një festë të çmendur në “San Siro“. Interi fiton kështu finalen e Superkupës së Italisë dhe Inzaghi e ngre për të tretën herë këtë trofe në duart e tij./Halit Delibashi-Sport Ekspres/
ALEXIS SANCHEZ WINS IT FOR INTER OVER JUVENTUS IN THE 120TH MINUTE?https://t.co/yoXn57Y2dI
— Fanatics Sportsbook | PB (@fanaticsbook_pb) January 12, 2022