Manchester City ka fituar sot titullin kampion të Premier League-s. “Qytetarët” kanë përmbysur në minutën e 81-të Aston Villa-n, duke fituar kështu me rezultatin 3-2. Gëzimi ka qenë i madh si për lojtarët ashtu edhe për tifozët, të cilët pushtuan menjëherë fushën pas vërshëllimës përfundimtare të arbitrit.
Festa për futbollistët ka vijuar edhe në dhomën e zhveshjes. Atmosferës festive i janë bashkaur edhe punonjësit e klubit, që janë shfrenuar së bashku me lojtarët. Brandon Ashton, përgjegjësi për fanellat dhe bazën materiale të Manchester City-t, e ka shijuar së tepërmi titullin kampion të klubit ku punon, teksa është zhveshur dhe ka rrëshqitur në dysheme për të festuar suksesin e madh të “qytetarëve”./Halit Delibashi-Sport Ekspres/
The dressing room moment you’ve all been waiting for… ?? pic.twitter.com/CBiRghWruU
— City Xtra (@City_Xtra) May 22, 2022