Ndeshja mes Lidsit dhe Arsenalit është mbyllur në paqe, me barazimin 0-0, por e njëjta gjë nuk mund të thuhet për lojtarët. Ezgjan Alioski dhe Nikolas Pepe nuk janë ndarë mirë nga njëri-tjetri, duke qenë protagonist të një episodi aspak të këndshëm për një ndeshje futbolli.
Një precedent si ai mes Zidan dhe Materacit në Kupën e Botës është përsëritur këtë herë në Premier Ligë. Ishte lojtari shqiptar ai që e pësoi njësoj si ish-mbrojtësi italian në takimin e sotëm, teksa gjatë një konfrontimi me Pepe, ky i fundit e godet me kokë duke e rrëzuar menjëherë përtokë.
Gjyqtari i kësaj përballjeje ka shkuar pranë monitorit të VAR-it për të parë më saktësisht pamjet e këtij episodi dhe në fund vendos t’i tregojë kartonin e kuq blerjes 70 milionëshe të Arsenalit. “Topçinjtë“ mbetën kështu me 10 lotarë që në minutën e 51-të të takimit, duke pasur vështirësi në gjetjen e golit në minutat e mbetura./Halit Delibashi-Sport Ekspres/
Straight red for Nicolas Pepe after a reckless challenge on Leeds' Ezgjan Alioski.
Arsenal will now play with 10 men for the rest of the game #LEEARS #AFC
https://t.co/5hp9u7CZHZ— Arsenal Best Goals & Videos (@AFCBestGoals) November 22, 2020