VIDEO/ Europa mbetet pa Itali! Bajerni tregon forcën ndaj Lacios, ndeshje për tu harruar për Muriqin

0

Bajerni vinte në “Allianz Arena” me fitoren 1-4 në ndeshjen e parë, por gjermanët tregojnë dhe njëherë që janë konkurentë për të rifituar trofeun e Champions League. Mbrëmjen e sotme, bavarezët mposhtën me rezultatin 2-1 Lacion, duke u kualifikuar pa asnjë problem në çerekfinale. Golat u shënuan nga Levandovski dhe Choupo-Moting për Bajernin, ndërsa goli i vetëm për bardhekaltrit u shënua nga Parolo.

Sulmuesi shqiptar, Vedat Muriqi luajti 55 minuta, por kjo nuk ishte aspak ndeshje me fat për të, pasi në minutën e 33-të shkaktoi një penallti për Bajernin, që u shndërrua në gol nga Levandovski. Lacio ishte ekipi i fundit italian i mbetur në Ligën e Kampioneve, pas eleminimit të Juventusit dhe Atalantës. Tashmë Europa mbetet pa Itali, teksa Seria A nuk ka asnjë skuadër të sajën në fazën çerekfinale./Elio Hajdari-Sport Ekspres/

You might also like

Leave A Reply

Your email address will not be published.