Një episod mjaft i shëmtuar ka ndodhur fundjavën që lamë pas në futbollin e femrave. Në sfidën mes kombëtareve të Zvicrës dhe Rusisë për moshën U17, të vlefshme për kualifikueset e kampionatit europian, ka ndodhur një sherr mes futbollisteve.
Në minutën e 52-të, kapitenia e kombëtares helvetë ka goditur Pamen Tchato, lojtaren e Rusisë, me këtë të fundit që reagoi duke e goditur kundërshtaren gjithashtu. Sfida në atë moment ishte 2-0 në favor të Zvicrës, ndërsa të dyja lojtaret u ndëshkuan me karton të kuq.
Një episod aspak i këndshëm dhe aspak i zakonshëm, sidomos kur bëhet fjalë për një ndeshje moshash dhe aq më tepër në futbollin e femrave.