Enis Cokaj e ka nisur me protagonizëm kampionatin në Kroaci. Lokomotiva e Zagrebit ka barazuar në shifrat 2-2 kundër Hajdukut të Splitit. Mesfushori shqiptar ka dhuruar të dyja asistet për ekipin e tij. Në të parin ishte krosimi i saktë nga goditja e dënimit që bëri Cokaj dhe konkretizimi ideal i Soldo që gjeti rrjetën.
Në të dytin merita më e madhe për Cokajn vjen në nisje të aksionit duke mbrojtur topin pavarësisht numrit të kundërshtarëve që kishte afër. Kështu Lokomotiva e Zagrebit ka grumbulluar pikën e parë, ndërsa bëri sezon zhgënjyes në atë që lamë pas. /Sport Ekspres/