Një mrekulli duket se po i ndodh kapitenit të Shqipërisë, Elseid Hysaj. Marrëdhënia e tij me Napolin shihej si e përfunduar, por e kundërta po ndodh. Gatuzo i dha besimin e duhur dhe pas ndeshjeve si titullar tashmë ka ardhur edhe goli. Hysaj ka tundur rrjetën me një goditje nga jashtë zone kundër Sasuolos që në minutë ne 8 të takimit.
E para herë kjo për lojtarin shqiptar që shënon në Serie A, teksa asnjëherë nuk e ka bërë një gjë të tillë më parë. Madje as në periudhën e artë të Sarrit. Kapitulli i pakënaqësive dhe vështirësive me Napolin tashmë duket të jetë i mbyllur, ndërsa ai i suksesit po nis të shkruhet./Halit Delibashi-Sport Ekspres/