Edon Zhegrova është njeriu i momentit te Lille. Sulmuesi shqiptar po shkëlqen këtë sezon në Ligue 1, ku sot ka shënuar golin e tij të 4-t. Lille është duke fituar në derbin e rëndësishëm kundër Lensit me rezultatin minimal 1-0.
Goli mban autorësinë e Zhegrovës, i cili pasi ka shmangur mbrojtësin kundërshtar në zonë, ka shënjestruar menjëherë portën me të majtën e tij. Aktualisht janë luajtur 45 minutat e para të ndeshjes, ndërsa goli u realizua që në minutën e 9 të sfidës. Në rast fitoreje, Lille do të ngjitej në vendin e 3-të të renditjes, çka do i siguronte një vend të sigurt në grupet e Champions League-s. Ndërkaq, Lensi gjendet në pozicionin e 6 të renditjes dhe është në garë për një biletë për në Champions League./Halit Delibashi-Sport Ekspres/
Magnifique passe décisive de Nabil Bentaleb pour Zhegrova face à Lens ! ?
[? @PeruJoz] pic.twitter.com/FaLw7CmejI
— ???????????? ??? (@arobasedzair2) March 29, 2024