Real Madrid po përgatitet për fillimin e sezonit të ri në të cilin dëshiron të rikthehet në fron dhe aktualisht skuadra e Carlo Ancelottit po përgatitet në Amerikë.
Lojtarët e Realit do të luajnë disa ndeshje përgatitore dhe mbrëmë kanë luajtur kundër Manchester United në stadiumin NRG në Hjuston dhe kanë arritur të fitojnë.
Real Madridi tregoi forcën e tij ndaj Djajve të Kuq dhe tifozët u kënaqën sepse shkëlqenin veçanërisht lojtarët e rinj.
Në qendër të vëmendjes së kësaj ndeshje ishte sulmuesi Joselu, i cili iu bashkua Realit këtë verë. Joselu erdhi nga Espanyol në një transfertë që askush nuk e priste.
Sulmuesi me përvojë mbërriti si zëvendësues i Karim Benzema-s i cili u largua për në Al Ittihad dhe shumë talleshin me drejtuesit e Realit duke thënë se Joselu nuk ishte as afër sulmuesit francez.
Mirëpo, duket se kjo vetëm sa e ka motivuar edhe më shumë këtë lojtar i cili mbrëmë bëri magjinë e tij ndaj United. Joselu shënoi një gol spektakolar me gërshërë në minutën e 89-të për shifrat 2-0. /Elio Hajdari-Sport Ekspres/
Mbappe? No, Real Madrid have Joselu! fantastic goal?pic.twitter.com/0tm2MtT1fh
— VAR Tático (@vartatico) July 27, 2023