Sokol Cikalleshi është kritikuar së tepërmi gjatë gjithë kësaj kohe te Koniaspori. Pavarësisht paraqitjeve të tij që shpeshherë kanë qenë pozitive në kontributin për ekipin, sulmuesi matet me golat dhe shifrat ishin dukshëm kundër sulmuesit shqiptar. Vetëm një gol i realizuar në 18 ndeshje ishte shumë pak për Cikalleshin.
Por në përballjen e sotme ndaj Malatiasporit, lojtari i Kombëtares realizoi dopietë. Për më tepër këto gola shijuan dyfish pasi përmbysën ndeshjen në 2-3. Emocioni i madh është përjetuar jo vetëm nga Cikalleshi, por edhe nga familjarët e tij. Në video më poshtë mund të shihni reagimin e familjes së Sokol Cikalleshit pas shënimit të golave. /Sport Ekspres/