Florian Marku do të ndajë ringun mbrëmjen e sotme me boksierin anglez, Rylan Charlton. Thumbimet në distancë kanë nisur prej kohësh, ndërsa vetëm pak kohë përpara fillimit të duelit Charlton ndez përplasjen me ironinë e tij për boksierin shqiptar. Sipas tij Marku nuk është në të njëjtin nivel me të dhe nuk nguron të ulë figurën e shqiptarit duke e quajtur një biletashitës.
“Ata bënë një gabim, sepse do të rrah një tjetër shitës biletash. Është më mirë për mua. Mbase unë dhe Eddie (Hearn) mund të bëhemi shokë të ngushtë pas kësaj ndeshjeje”, ka thënë Rylan Charlton “Sky Sports Boxing”./Halit Delibashi-Sport Ekspres/