Drithërima dhe festë në “San Siro”. Një ndeshje që në letër dukej e mbyllur, ka rezultuar shumë e komplikuar për Milanin.
Pjesa e parë u mbyll në shifrat 0-0, ndërsa fraksioni i dytë nisi me ankth për kuqezinjtë, me Frozinonen që fitoi të drejtën e një 11-metërshi, pas një ndërhyrje të gabuar të Abates.
Te pika e bardhë u paraqit Ciano, i cili u ndal nga Donaruma. Pikërisht, këtu nisi kthesa e Milanit, me ekipin e Gatuzos që shënoi dy herë brenda nëntë minutave.
Fillimisht ishte Piatek, i cili u gjend i lirë në zonë dhe devijoi në rrjetë një goditje të Borinit. Më pas, ishte Suso, i cili realizoi në mënyrë perfekte një goditje dënimi, duke çuar shifrat në 2-0.