Erling Haland vazhdon të dëshmojë se është një makineri golash në Bundesligë. Sulmuesi norvegjez po tregon çdo javë se është i pandalshëm në zonën kundërshtare dhe premton të ngjitet në nivelet e Mesit dhe Ronaldos në vitet e ardhshme. Futbollisti 20-vjeçar ka realizuar një dopietë në përballjen e sotme mes Lajpcigut dhe Dortmundit, të fituar me shifrat 1-3 nga këta të fundit.
Goli i parë për të do të vinte në minutën e 71, ku edhe pse mes disa kundërshtarëve, ia del të driblojë me sukses për të hapur më pas aksionin në krah. Djaloshi nordik shkon menjëherë në zonë për të zënë pozicionin e tij, nga ku edhe tund rrjetën me kokë. Ndërkaq, në minutën e 84-t shënon edhe dopietën e tij personale dhe të tretin për Dortmundin, teksa pasi kalon edhe portierin e ndal topin në rrjetën e zbrazët.
Haland rikthehet kështu frikshëm pas dëmtimit, që e la jashtë për plot 7 ndeshje. Sulmuesi i talentuar ka vendosur shifra mbresëlënëse këtë sezon, pasi në vetëm 10 takime të luajtura në Bundesligë ka arritur të shënojë 12 herë./Halit Delibashi-Sport Ekspres/
Erling Braut Haaland is one of the most complete strikers in world football at 20 years old. Anyone who says he has no technical ability is lying.
Hope Chelsea make signing him an absolute priority. https://t.co/jJW98FOmKa
— LDN (@LDNFootbalI) January 9, 2021